Ramalan Sesuai Hari Lahir Versi Aing

1. SENEN = KEMBANG

Kembang biasana dipikaresep ku jelema lantaran kaendahana. Nu lahir poe senen ieu, leuwih mentingkeun penampilan daripada beungeut nu hinyay. Di mana wae sok rapih ka WC oge dandan heula, sarta prima jadi loba nu mikaresep ti mulai ibu ibu nepika papan reklame djarum super oge resepeun. Kakurangan na nyaeta sering ngabanggakeun diri jeung sering niupan teras tapi si kembang bageur hatena mah mun rek nginjeum duit.

 2. SALASA = SEUNEU

Jelema anu lahirna dina poe salasa boga jiwa sosial anu luhur. Resep nulungan henteu ngabeda-bedakan jelema, sato, atau meteran listrik. satia pisan mun jadi kabogohna ulah coba2 ngahianat lantaran bakal rudet trus mabok temulawak sarta ngambekna goreng sok naek kanu tihang listrik jeung sok di gede gedekeun mun aya masalah jeung kosipa.

 3. REBO = DAUN

poe rebo boga sipat cicingeun, kaleum, sakali nyarios jug menta kantor dubes Burundi. kapribadiana tenang wibawa, kabawa tsunami oge tenang weh. sarta Lamun nu karak wawuh katempona nyenangkeun pisan. tapi hanjakalna sok kabawa arus, arus listrik. gampang percaya dina omongan batur jalmana embung dititah kubatur mun meuli cengek ka afrika tapi nyaah ka keluarga.

 4. KEMIS = ANGIN

Angin sok niup ka mana wae eweuh rasa cape,hartina jelma nu henteu elehan, sumanget, tapi sok hitut dimana wae. digawena daekan dititah jadi polisi tidur ge daek weh, tapi tara betah di imah betah na di jero sumur. Tapi sok poho ka jelema nu sok pernah nulungan, nu diinjeuman motorna bari tara di bensinan, jeung jelemana tara dendam paling nyantet bari nginum marimas.

 5. JUMAAH = CAI

Cai mah tenang, sejuk sarta mawa kesegaran, hanjakal kiruh jiga bajigur. tapi bisa oge ngamuk kawas ombak laut. Anu lahir poe Jumaah rada pendiam ditinggang ku korsi plastik oge cicing, tapi lain hartina bodo lantaran berprinsip “mending cicing batan loba nu apal aing keur busiat”. wibawana gede loba nu mikaresep tapi rada egois karesepna kudu di turutkeun mun teu di turutkeun sok ngalaan kenteng imah.

6. SAPTU = BUMI

Poe saptu ieu boga fisik anu kuat, tegar, teu beda jauh jiga si tisu restoran. Cita-citana luhur hayang jadi tukang surabi di puncak gunung bromo, luhur pisan, sarta bageur. Sok tutulung Kakuranganna sok hayang ngabogaan naon anu di pikaresep misalna pamajikan tentara. Rada egois sarta balaga, ngan udud sok menta padahal mah manehna nyakuan 2 batang dina saku kameja na. tapi tara putus harepan sok terus usaha maling entog unggal peuting.

7. MINGGU = MEGA

Minggu loba kawawuhuana, jeung loba hapur oge, lantaran gampang gaulna tapi kakurangan mun aya kanyeri hate sok lila, cageurna kudu dirukiah jeung dimandian ku cai radiator. kahayangna kudu diturutkeun, lamun henteu diturutkeukeun sok nyumputkeun bedug mesjid. Manehna satia (barudak si charly) sarta teu gampangan tapi sok ngorong trus di toelkeun ka batur.